وزیر اعظم عمران خان نے عسکری قیادت کے ہمراہ انٹر سروسز انٹیلی جنس( آئی ایس آئی) کے ہیڈ کوارٹرز کا دورہ کیا۔

ویب ڈیسک November 29, 2020 

an image
وزیراعظم نےقومی سلامتی کو درپیش چیلنجز کے خلاف آئی ایس آئی کی پیشہ ورانہ صلاحیتوں کو سراہا،فوٹو: وزیراعظم آفس

وزیراعظم آفس اعلامیے کے مطابق دورے کے موقع پر وزیراعظم کے ہمراہ چیئرمین جوائنٹ چیفس آف اسٹاف کمیٹی جنرل ندیم رضا، آرمی چیف جنرل قمر جاوید باجوہ، ائیرچیف مارشل مجاہدانور خان اور نیول چیف ایڈمرل محمد امجدخان نیازی بھی تھے۔

ان کے علاوہ چیف آف جنرل اسٹاف لیفٹیننٹ جنرل ساحر شمشاد مرزا، وزیرخارجہ شاہ محمود قریشی اور وزیر منصوبہ بندی اسد عمر بھی ہمراہ تھے جب کہ ڈی جی آئی ایس آئی لیفٹیننٹ جنرل فیض حمیدنے ڈائریکٹوریٹ جنرل آئی ایس آئی میں عسکری و سیاسی قیادت کا استقبال کیا۔

اعلامیےکے مطابق قومی اورعسکری قیادت کو ملکی وعلاقائی صورتحال پر بریفنگ دی گئی۔

اس موقع پر وزیراعظم نےقومی سلامتی کو درپیش چیلنجز کے خلاف آئی ایس آئی کی پیشہ ورانہ صلاحیتوں کو سراہا۔

پاکستان کی مزید خبریں

اس خبر پر اپنی رائے کا اظہار کریں

اپنا تبصرہ بھیجیں